தனதனன தான தனதனன தான தனதனன தானத் தனதானா
கனகசபை மேவும் எனதுகுரு நாத கருணைமுருகேசப் பெருமாள்காண்
கனகநிற வேதன் அபயமிட மோது கரகமல சோதிப் - பெருமாள்காண்
வினவுமடியாரை மருவிவிளையாடு விரகு ரச மோகப் பெருமாள்காண்
விதி முநிவர் தேவர் அருணகிரி நாதர் விமல சர சோதிப் பெருமாள்காண்
சனகிமணவாளன் மருகனென வேத சதமகிழ்குமாரப் - பெருமாள்காண்
சரணசிவ காமி இரணகுல காரி தருமுருக நாமப் - பெருமாள்காண்
இனிதுவன மேவும் அமிர்தகுற மாதொடு இயல்பரவு காதற் - பெருமாள்காண்
இணையில் இப தோகை மதியின்மகளோடு இயல்புலியுர் வாழ்பொற் பெருமாளே.
Comments